Сорау-җавап: Телевизорыгыз күрсәтмиме?! Безгә килеп йөрмәгез

В Балтаси

Бүген редакциябезгә Балтач бистәсенең Тукай урамында яшәүче Хәкимҗан ага Шакиров килде.

– 1936 елгы мин, сеңлем, 83 яшь инде миңа, – ди ул аптырап йөрүенең сәбәбен әйткәнче.– Телевизорымнан “ТНВ” каналын карый алмыйм, приставкам да бар-барын. Күрсәтми тек күрсәтми. Приставка алган кибеткә дә барып карадым, “ни әйтергә дә белмибез, күп кеше шулай дип килә”, диләр. Кая барырга белмәгәнлектән сезгә килдем.
83 яшьлек бабайга РУЭСка барыгыз дип әйтергә тел әйләнмәде, кызгандым, РУЭС җитәкчесенә үзебез шалтыраттык.
– Андый чакта безгә киләсе түгел, – диде җитәкче. – Шәмәрдәндәге телевидение үзәгенә шалтыратырга кирәк. Телефон номеры: 8(843)6232148. Киңәшләрен дә бирәләр, килеп карап та китәргә мөмкиннәр.
Хәер, цифрлы телевидениегә күчкәнче “Хезмәт”ебез бу хакта аз язмады.
– Газета укый алмыйм шул хәзер. Эретеп ябыштыручы булып эшли-эшли күз бетте, –дип рәхмәтләрен әйтә-әйтә чыгып китте бабабыз.

Иң мөһим һәм кызыклы язмаларны Татмедиа Telegram-каналында укыгыз

Все самые интересные и свежие новости в Балтаси
Материал: baltaci.ru

baltasi.ru