Нинди ризыклар депрессия китереп чыгара?

В Балтаси

Сүз майлы ризыклар — дуңгыз ите, сарык ите, ярымфабрикатлар, кайсыбер әчегән сөт ризыклары куллану турында бара.

Дөрес тукланмау ашкайнату системасына да, нерв системасына да зыян китерү ихтимал. Бу турыда «Москва 24» телеканалында табиб-диетолог һәм эндокринолог Виктор Жиляев сөйләгән.

Сүз майлы ризыклар — дуңгыз ите, сарык ите, ярымфабрикатлар, кайсыбер әчегән сөт ризыклары куллану турында бара. Кызыл итне эшкәртү өчен бик күп энергия таләп ителә. Бу энергия нерв системасына сарыф ителәсе урынга, ит эшкәртүгә китә. Мондый ризыкта зарарлы элементлар да була.

«Хайван майларына бай булган ризыклардагы холестерин депрессия куркынычын 40 процентка арттыра. Моны галимнәр анализ ясаганнан соң ачыклаган», — ди Жиляев.

Табиб шикәрне дә чама белән кулланырга киңәш итә. Канда глюкоза һәм инсулин күләме тирбәлеше кешенең кәефенә йогынты ясый. Кәеф башта яхшырырга, аннары кисәк кенә начарланырга мөмкин.

Реклама

Белгеч кофены да күп эчмәскә киңәш итә. Аеруча бик арыган чакта кофе эчми тору хәерле. Шулай ук камыр ризыклары һәм рафинадланган продуктларны да чамасыз кулланмау хәерле. Алар барысы да сәламәтлеккә йогынты ясый һәм депрессия китереп чыгара.

Альтернатива буларак, диетолог балык, диңгез ризыклары, яшелчәләр, җиләк-җимешләр, үсемлек майлары ашарга тәкъдим итә. Бу турыда РИА Новости яза.

Чыганак: Интертат

Фото: https://pixabay.com

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз

Все самые интересные и свежие новости в Балтаси
Материал: baltaci.ru

baltasi.ru