Бакчадагы сулы мичкә салкында шартлап ярылмасын өчен нишләргә?

В Балтаси

Мичкәгә пластик шешәләр яки бүрәнә салып калдырырга кирәк.

Күпләрнең бакчасында су тутырылган мичкә була. Җәй көне ул бик яхшы ярдәм итә, ә кыш көне аның үзенә ярдәм килүе ихтимал. Бу турыда киңәшләр сайтында хәбәр ителә.

Физика законнарын каршы барып булмый, әлбәттә. Мичкәдән су түгәргә онытып китсәң, кыш көне анда су ката һәм шартлый. Шуңа күрә мичкәдән суны түгеп, үзен әйләндереп каплап калдыру хәерле.

Су түкмичә дә, мичкә саклау ысулы бар. Моның өчен мичкәгә пластик шешәләр салып калдырырга кирәк. Мичкәдә су катса, боз савытның төбенә һәм кырыйларына басым ясый башлый. Ләкин пластик шешәләр «басым үзәген» күчерергә ярдәм итә.

Башта шешәгә бер авырлык беркетегез. Шешәнең бер өлеше суга батарлык булсын, башка өлеше су өстеннән калкып торсын.

Реклама

Эченә ком тутырылган берничә шешәне мичкә төбенә салыгыз. Болай эшләү дә «басым үзәген күчерү» өчен ярдәм итә.

Мичкә эченә бүрәнә кисәген аударып урнаштырырга да була. Аның бер өлеше су өслегендә калсын.

Чыганак: Интертат

Фото: https://pixabay.com

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз

Все самые интересные и свежие новости в Балтаси
Материал: baltaci.ru

baltasi.ru