Ноябрьдә рәттән 4 көн ял итәбез

В Балтаси

Россиядә яшәүчеләр быел ноябрь аенда рәттән дүрт көн ял итәчәк.

Бу хакта “Российская газета” яза. Хезмәт һәм социаль яклау министрлыгы 2 гыйнвар ялын 5 ноябрьгә күчергәнлектән, ял бер көнгә арткан.

Шулай итеп, 4,5, 6 һәм 7 ноябрьдә ял итәчәкбез. Моннан тыш бәйрәм алдыннан эш көне дә бер сәгатькә кыскара.

Моннан тыш, чираттагы ялы 5 ноябрьгә туры килүчеләрнең “отпускысы”, закон нигезендә, бер көнгә озайтыла.

Исегезгә төшерәбез: Россиядә 4 ноябрьдә Халыклар дуслыгы көне билгеләп үтелә. Бәйрәм 2005 елда гамәлгә куелды һәм шуннан бирле ул ял көне булып тора. 1612 елның 4 ноябрендә (иске стиль буенча – 22 октябрь) җирле староста Кузьма Минин белән кенәз Дмитрий Пожарский җитәкчелегендәге халык ополчениесе Мәскәүне поляк илбасарларыннан азат иткән.

Ватаным Татарстан

Фото: 7calendar.com/ru

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз

Все самые интересные и свежие новости в Балтаси
Материал: baltaci.ru

baltasi.ru