Татарстанда коронавирусның 60 яңа очрагы ачыкланган

В Балтаси

Узган тәүлектә Татарстанда коронвирусның 60 яңа очрагы теркәлгән. Өч кеше авыруны читтә, 57 кеше аралашу юлы белән йоктырган.

«24 пациент хастаханәдә, 36 кеше өйдә дәвалана», — дип хәбәр иттеләр Сәламәтлек саклау министрлыгында.

Авыручыларның иң күбе Казанда ачыкланган, монда 20 кеше вирус йоктырган. Чаллыда 12, Тукай районында 6 очрак теркәлгән. Республика муниципалитетларында барлыгы 15 кеше авыру йоктырган.

2021 елның 18 сентябренә булган мәгълүматларга караганда, пандемия башланганнан бирле республикада коронавирусның 26 942 очрагы теркәлгән. 23 163 кеше терелгән, шул исәптән узган тәүлектә 49 кеше дәваланып беткән.

Коронавируска каршы вакцинаны 1 080 174 татарстанлы ясаткан. Узган тәүлектә 2220 кеше вакцинация узган. Республикада яшәүче 947 523 кеше прививканың ике дозасын да алган. 

Чыганак: ТИ

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз

Все самые интересные и свежие новости в Балтаси
Материал: baltaci.ru

baltasi.ru