М12 юлы Татарстанда авыл территорияләренең күп кенә проблемаларын хәл итәргә ярдәм итәчәк

В Балтаси

ТР Транспорт һәм юл хуҗалыгы министры төзелеш тәмамланганнан соң эшче бистәләрне технопаркларга һәм балалар лагерьларына әверелдерергә тәкъдим итте.

Мәскәү-Казан тиз йөрешле автотрассасы якын-тирә авыллар үсешенә, җирле халыкның тормыш сыйфатын күтәрүгә этәргеч бирәчәк. Бу хакта ТР Транспорт һәм юл хуҗалыгы министры Фәрит Хәнифов Лаеш районының Орел авылында яшәүчеләр белән очрашуда хәбәр итте.

«Бу юл күп еллар алга территорияләр үсешенә зур этәргеч бирәчәк, аннан файдалана белергә кирәк. Төзелеш вакытында дүрт елга гына түгел, 2024 елга кадәр, ә 2030 елга кадәр карарга кирәк», — диде министр.

Хәнифов фикеренчә, якын-тирә авылларда яшәүчеләрнең уңайлылыгы арта гына бара, чөнки су белән тәэмин итү, хайваннар дөньясын һәм сулыкларны саклау мәсьәләсе хәл ителәчәк, яшьләр, эре шәһәрләргә китмичә, туган җирләреннән ерак түгел эшләячәк.

«Әгәр без вакытлы биналарга һәм корылмаларга дөрес якын килсәк, аларны дөрес итеп төзесәк, Федераль төзүчеләр акчасына ышанычлы итеп төзиячәкбез икән, бу объектларны районда калдырырга мөмкин», — дип билгеләп үтте ул.

Хәнифов, төзүчеләрнең яхшы итеп төзелгән эшчеләр бистәләрен балалар лагерьларына яки спорт базаларына әверелдергә мөмкин, ә аңа барлык коммуникацияләр бирелгән очракта, ул технопарк була ала, дип белдерде.

Орел авылында бүген хакимият вәкилләренең җирле халык белән очрашуы узды, Мәскәү-Казан тиз йөрешле автомагистрален төзү мәсьәләсе буенча бергәләп фикер алыштылар. Авыл халкын объектны проектлау һәм төзү буенча эш төркеме составына кертү турында Карар кабул ителде.

Тулырак мәгълүмат: ТИ

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз

Все самые интересные и свежие новости в Балтаси
Материал: baltaci.ru

baltasi.ru