Давыл йорт түбәләрен алып ташлаган (+фото)

В Балтаси

1 май кичендә көчле җил Башкортстанның Шаран һәм Бакалы районнарында ЛЭП зарарлануга сәбәп булды. 30дан артык торак пунктта яшәүчеләр электрсыз калган.

Җил тизлеге секундына 26 метрга җиткән. Бүген төрле районнардан социаль челтәрләрдә каерылган түбәләр, ауган агачлар һәм өзелгән электр линияләре фотосурәтләре басыла.

Тавык йомыркасы зурлыгында яуган боз автомобильләргә, түбәләргә, теплицаларга һәм Чишмә, Уфа һәм Благовар районнарында җиләк-җимеш агачларына зыян салган.

Республиканың кайбер төбәкләрендә, шул исәптән Уфа районының Шамонино, Чесноковка бистәләрендә, эре боз яуды. Алар бытбылдык, хәтта яшь тавык йомыркасы зурлыгына җиткән.

Боз явудан танылган блогер Рөстәм Нәбиевнең гаиләсе дә зыян күргән. Рөстәм гаиләсе белән кунакка килгәч, аның хатыны Индираның әти-әнисенең йорты давыл уртасында калган. Рөстәм урыннан фотосурәт бастырган. Анда көчле җилдән ватылган тәрәзәләр күренә.

Стихиядән «Люмен» төркеме гитарачысы Игорь Мамаев та зыян күрә. Музыкант үзенең Instagramында мондый хәлне күптән күргәне булмавы турында яза: боз кисәкләре аның машинасына «һөҗүм иткән», аның тәрәзә пыялаларында ярыклар барлыкка килгән.

Чыганак

Төп фото: gtrk.tv

Тулырак: https://matbugat.ru/news/?id=29351

Все самые интересные и свежие новости в Балтаси
Материал: baltaci.ru

baltasi.ru