1 декабрьгә кадәр һәр төр салым түләнеп бетәргә тиеш

1 декабрьгә кадәр һәр төр салым түләнеп бетәргә тиеш
Милек салымы түләр вакыт җитте. 2015 ел өчен салым түләү турындагы белдерү хатлары Татарстан халкына 18 октябрьгә кадәр таратылып бетәчәк. Бу хакта Интертат.ру электрон газетасы хәбәр итә.

Федераль салым органы хезмәтеннән хәбәр итүләренчә, Татарстанда милек салымын хисаплау эше тәмамланган инде. Исегезгә төшерәбез: җир, транспорт һәм физик затларга милек салымына бердәй түләү срогы билгеләнде – түләү 1 декабрьгә кадәр башкарылырга тиеш.


Салым түләү салым түләүче тарафыннан аңа почта аша җибәрелгән белдерү хаты һәм түләү документлары, йә булмаса он-лайн сервис аша электрон рәвештә «Салым түләүченең шәхси кабинеты»на юлланган документ ярдәмендә башкарыла.

Салым түләүченең шәхси кабинеты булдырылган гражданнарга салым түләү турындагы белдерү бары тик электрон формада гына юллана. Бу быелның сентябрь-октябрендә шәхси кабинет булдырганнарга гына кагылмый.


Салымны банк бүлекчәләрендә, аларның терминалларында, почта бүлекләрендә һәм салым органы сайтының (www.nalog.ru) онлайн сервисы аша түләргә була.

Фото: Карикатура.ру

4 октября 2016, 14:53
Источник: Интертат.ру
Автор: Сезнең Балтачлы
Просмотров: 648
Версия для печати
Поделиться:

Комментарии:



Зарегистрируйтесь или войдите, чтобы оставить комментарий (сейчас комментариев: 0)