[2010-09-01] Быел республикада беренче сыйныфка 37 356 бала бара. Шуның 7 633е (барлык беренче сыйныф укучыларының 20,4 проценты) социаль ярдәмгә мохтаҗ. Яңа уку елы башланганчы, ярдәмгә мохтаҗ бу балаларның барысына да ярдәм күрсәтү бурычы куела. 7 633 укучының 3 966ы – аз керемле, 240ы - әти-әниләре инвалид булган, 269ы - имин булмаган, 230ы – опекунлы, 1 966сы күпбалалы гаиләләрдә тәрбияләнә.

    [2010-08-31] Республика районнарында җитештерүчеләр, Казан базарлары директорлары авыл хуҗалыгы продукциясен күпләп сатучыларга кыйбатрак бәягә сатарга тыю кирәклеге турында хәбәрдар. Кайбер азык-төлек продукциясенә билгеле-бер бәяләр билгеләп куелган. Мәсәлән, карабодайның 1 килограммы базарда – 35 сум, бәрәңге – 17, суган – 12, шикәр – 31, сөтнең бер литры 15 сумга сатылырга тиеш. Әгәр казанлылар аларны кыйбатрак бәядән сатучыларны күрсә, 221-77-71, 296-37-60 һәм 221-76-21 телефоннарына шалтыратып әйтергә тиеш.

    [2010-08-30] Ким дигәндә биш миллион тонна уңышка өмет итеп башланган икмәк өчен көрәш ахыр чиктә республика буенча 700 мең тонна ашлык җыеп алу белән тәмамланды. Татарстан үз тарихында бу кадәрле кыенлыклар кичергәнен хәтерләми. Казахстаннан кадәр салам ташыткан 1981 елда да уңыш бер миллион сигез йөз мең тонна иде.